Store Ringheim Hotell

Her får du rammen rundt en feiring som føles både personlig, varm og helt utenom det vanlige. Store Ringheim ligger i vakre omgivelser på Voss og kombinerer historisk sjarm med moderne komfort og ekte gjestfrihet. De gamle gårdsbygningene, rustikke tømmerveggene og gjennomførte detaljene skaper en særegen atmosfære som passer til alt fra bryllup og jubileer til konfirmasjoner, familieselskaper og hyggelige samlinger med venner.

Maten er en viktig del av opplevelsen. Store Ringheim lager rettene fra bunnen av og bruker råvarer fra egen gård, naturen rundt og lokale produsenter så langt det lar seg gjøre. Menyene følger sesongene og gir deg smaker med tydelig lokal forankring. Vertskapet legger stor vekt på personlig service og hjelper deg med å forme arrangementet etter dine ønsker. Dersom du ønsker ekstra ro og privatliv, er det også mulig å samle gjestene på stedet uten andre besøkende rundt.

Bærekraftige tiltak

Berekraft på Store Ringheim

På Store Ringheim Hotel & Restaurant ønskjer me å ta vare på både naturen, historia og lokalsamfunnet rundt oss. For oss handlar berekraft om konkrete val i den daglege drifta av hotellet og restauranten.

Lokale og sesongbaserte råvarer

I Restaurant Flor'n legg me stor vekt på lokale og norske råvarer. Me ønskjer å bruke råvarer frå Voss og Vestlandet når dette er mogleg, og menyane våre blir tilpassa sesongane og kva som er tilgjengeleg. Dette støttar lokale produsentar og er samtidig ein viktig del av identiteten vår.

Reduksjon av matsvinn

Me arbeider med å redusere matsvinn gjennom god planlegging av innkjøp og produksjon. På frukost og i restauranten prøver me å produsere etter faktisk behov og utnytte råvarene best mogleg.

Gratis transport til og frå Voss stasjon

Me ønskjer å gjere det enkelt for gjestene våre å velje kollektiv transport. Derfor tilbyr me gratis henting og levering for gjestene våre mellom Voss stasjon og Store Ringheim. Dette gjer det enklare å kome til oss med tog utan behov for eigen bil eller taxi.

Som ein del av vidareutviklinga av dette tilbodet arbeider me med å gå over til elektrisk bil for gjestetransport. Målet er å kunne tilby den same gode servicen med lågare utslepp.

Ta vare på eksisterande bygg og historie

Store Ringheim er ein historisk gard. Ein viktig del av berekraftsarbeidet vårt er derfor å ta vare på eksisterande bygningar, materialar og kulturhistorie. Me ønskjer å vedlikehalde, reparere og vidareføre det som allereie finst, framfor unødvendig utskifting.

Redusert energi- og ressursbruk

Me arbeider kontinuerleg med å redusere unødvendig bruk av straum, oppvarming og vatn og ser etter nye løysingar som kan gjere drifta meir energieffektiv utan at det går utover komforten til gjestene.

Mindre unødvendig vask

Ved opphald over fleire netter ønskjer me å redusere unødvendig vask av handkle og sengetøy. Dette reduserer forbruket av vatn, energi og vaskemiddel.

Avfall og mindre eingongsbruk

Me arbeider med kjeldesortering og reduksjon av restavfall, emballasje og unødvendige eingongsprodukt.

Lokal verdiskaping

Berekraft handlar også om menneske og lokalsamfunn. Me ønskjer å handle lokalt og samarbeide med lokale produsentar, leverandørar og aktivitetstilbydarar. Slik bidreg me til at ein større del av verdiskapinga frå reiselivet blir verande på Voss og i regionen.

For oss er berekraft ein kontinuerleg prosess. Målet er å drive Store Ringheim på ein måte som tek vare på garden og historia vår, støttar lokalsamfunnet og reduserer miljøbelastninga – samtidig som me gir gjestene ei ekte og god oppleving av Voss.